Hugo Boss, Puma және Tommy Hilfiger Өзбекстандағы контрафакт ісі бойынша сотта жеңіске жетті

Сот халықаралық брендтердің тауарлық белгілерін құқық иелерінің рұқсатынсыз пайдалану заңсыз екенін таныды.

Аталған талап-арызды Германиядағы Hugo Boss AG және Puma SE, сондай-ақ Нидерландтағы Tommy Hilfiger Licensing B.V. компанияларының өкілдері берген. Іс бойынша сот отырысы 2026 жылғы 1 сәуірде өткен.

Істі қарау барысында жауапкердің белгілі брендтердің тауарлық белгілерін лицензиялық келісімсіз пайдаланғаны, контрафакт өнімдерді таратқаны және оларды белсенді түрде жарнамалағаны анықталды.

Сот шешімімен құқық бұзушыға:

тауарлық белгілерді заңсыз пайдалануды тоқтату;

контрафакт өнімдерді айналымнан шығарып, жою;

өнімдер мен қаптамалардағы заңсыз таңбаларды алып тастау міндеттелді.

Сонымен қатар, компаниялардың пайдасына 61,8 миллион сум көлемінде өтемақы өндірілді. Бұған қоса, мемлекеттік баж, пошта және сот шығындары да жауапкерден өндірілді. Жалпы өндірілген сома 111 миллион сумнан асты.

Бұл шешім өңірде зияткерлік меншік құқықтарын қорғау және контрафакт өнімдермен күрес мәселесінде маңызды прецедент ретінде бағаланып отыр.