Жазылу
Иран мен АҚШ 26 ақпанда Женевада келіссөз өткізеді
Иранның ядролық бағдарламасына қатысты Иран мен АҚШ арасындағы келіссөздердің үшінші кезеңі 26 ақпан, бейсенбі күні Женевада өтеді.
Бұл туралы Оманның сыртқы істер министрі Бадр әл-Бусаиди хабарлады.
"АҚШ пен Иран арасындағы келіссөздер осы бейсенбі күні Женевада өтеді. Тараптар келісімді аяқтау үшін қосымша күш салуға оң көзқараспен кірісіп отыр, - деп жазды Оман СІМ басшысы Бадр әл-Бусаиди X әлеуметтік желісіндегі парақшасында.
Еске салайық, 6 ақпанда Оманда Иран мен АҚШ арасындағы алғашқы жанама келіссөздер раунды Оман СІМ басшысы Бадр әл-Бусаидидің делдалдығымен өткен болатын. Тараптар диалогты жалғастыруға келісып, кеңес алу үшін тарқасқан.
17 ақпанда келіссөздер қайта жанданды — бұл жолы Женевада, Оманның БҰҰ жанындағы елшісі резиденциясында өтті. Екінші раундтың қорытындысы бойынша Иранның сыртқы істер министрі Аббас Аракчи тараптар алдағы келіссөздердің негізіне айналатын базалық қағидаттарды келіскенін мәлімдеді.
