Иранда жоғарғы көшбасшыға қатысты келісімге қол жеткізілгені мәлім болды

Бұл туралы кеңес мүшесі Мохаммад‑Мехди Мирбагери айтты. Ақпаратты Mehr News Agency агенттігі таратты.

«Сарапшылар кеңесінің мүшелері соңғы күндері жоғарғы көшбасшыны анықтау үшін көп күш жұмсады және бұл міндетті абыроймен орындады. Қуанышқа қарай, қазір көпшіліктің пікірін білдіретін шешуші әрі біріккен ұстаным қалыптасты», – деді ол.

Хаменеи ұлы – негізгі үміткер

Бұған дейін өлтірілген Иранның жоғарғы көшбасшысы Али Хаменеидің 56 жастағы ұлы Моджтаба Хаменеи әкесінің орнына негізгі үміткер болып отырғаны хабарланған.

Алайда бұл жөнінде ресми мәлімдеме әлі жарияланған жоқ.

Трамптың мәлімдемесі

Осыдан кейін АҚШ президенті Дональд Трамп Иран басшылығы толық ауысуы тиіс деп санайтынын айтты. Оның сөзінше, Вашингтонда Иранды басқара алатын «жақсы көшбасшы» ретінде бірнеше ықтимал кандидат бар.

Сонымен бірге Трамп нақты кім туралы айтып отырғанын атаудан бас тартты.

АҚШ пен Израиль операциясы

Еске салсақ, АҚШ пен Израиль 28 ақпанда Иранға қарсы әскери операция бастаған.

Тель-Авивтің мәлімдеуінше, операцияның мақсаты – Тегеран билігінің ядролық қару алуына жол бермеу.

Ал Вашингтон Иранның әскери флотын және қорғаныс өнеркәсібін жойып жіберуі мүмкін екенін айтып, ел азаматтарын билікті құлатуға шақырды.

БАҚ мәліметінше, зымыран соққылары тек әскери нысандарға ғана емес, азаматтық инфрақұрылымға да тиіп жатыр. Бұл жағдай Иран аумағында да, өңірдің басқа елдерінде де байқалады.

Тегеран бұған жауап ретінде:

Израиль аумағына соққы беріп жатыр;

Таяу Шығыста орналасқан АҚШ әскери базаларын нысанаға алып жатыр.