Израиль Газаны басып алуға жақын

Енді Қорғаныс армиясы Газадағы тұтқындарды босату және ХАМАС-ты толығымен жою мақсатында операцияның ауқымын арттырып жатыр. Израиль тарапы бұл қадамды «терроризммен күрестегі шешуші кезең» деп атады. Операция аясында әскерилер Газаның оңтүстігі мен орталық аудандарына терең еніп, нысаналы шабуылдарды жиілетуде.

Алайда Израильдің әскери басшылығы бұл әрекеттердің тұтқындардың өміріне қауіп төндіретінін ашық айтып отыр. Олар саяси жетекшілікке «барлық қауіп-қатерді ескеру» жөнінде ұсыныс жасаған.

Сонымен қатар Газа секторына гуманитарлық көмек жеткізу жүйесі де өзгеріске ұшырады. Енді азық-түлік пен дәрі-дәрмек халықаралық ұйымдар арқылы емес, тікелей тұрғындарға таратылатын болады. Бұл көмектің ХАМАС-тың қолына өтіп кету қаупін азайтуға бағытталған.

Еске салайық, Израиль мен ХАМАС арасындағы қақтығыс қазан айында қайта ушыққан болатын. Мыңдаған бейбіт тұрғын қаза тауып, гуманитарлық дағдарыс ушығып отыр. БҰҰ және басқа халықаралық ұйымдар екі тарапты да сабыр сақтауға шақырып келеді.

Израиль билігінің бұл шешімі Газа аймағында жағдайды одан әрі шиеленістіріп, әскери операцияның жаңа кезеңіне жол ашуы мүмкін.