ХАМАС кепілге алынғандарды қайтармаса Израиль Газадағы соғысты қайта бастайды

 Бұл туралы Израиль премьер-министрі Биньямин Нетаньяху әскерилер кабинетінің отырысынан кейін мәлімдеді.

Израиль мен Палестина арасындағы бітімгершілік келісімінің бірінші кезеңі аясында сенбі күні аман қалған кепілге алынған тоғыз адам босатылады деп жоспарланған.

Бұған дейін АҚШ президенті Дональд Трамп ХАМАС-ты сенбі күні кепілге алынған израильдік 76 адамды босатуға шақырған. Израиль премьер-министрі өз сөзінде соттың Трамптың өтінішін құптағанын атап өтті.

«ХАМАС-тың атысты тоқтату келісімін бұзғаны және кепілге алынғандарымызды босатпау туралы мәлімдемесінен кейін мен кеше түнде Израиль армиясына Газа секторы мен оның айналасында күштерді жұмылдыруды тапсырдым. Бұл операция дәл қазір жүргізіліп жатыр және жақын арада аяқталады», - деді Израиль премьер-министрі.

ХАМАС сенбіде кепілге алынғандарды босатпайды

ХАМАС пен Израиль арасындағы бейбіт бітім 19 қаңтарда күшіне енді. 42 күнге созылатын бірінші кезеңінде ХАМАС кепілге алынған 33 адамды босатады, ал Израиль 1900-ден астам тұтқынды босатып, Газа секторынан әскерін шығара бастайды.

10 ақпанда ХАМАС тағы бір Израильдік кепілге алынған топты босатудан бас тартты. ХАМАС бұл шешімді израильдік тараптың бейбіт келісімді бұзғаны үшін қабылдағанын мәлімдеді. Израильдің Газа секторының солтүстігіндегі тұрғындардың үйлеріне қайтуына кедергі жасап, гуманитарлық көмектің аймаққа кіруіне де кедергі жасап жатқаны баса айтылды.