Израиль мен Хамас: АҚШ мемлекеттік хатшысы Тель-Авивке барды

"Бұл сапар америкалық және израильдік шенеуніктердің сақтықпен оптимизм білдіруінен кейін болды", деп жазады басылым.

Алайда келіссөздерге тікелей қатыспаған ХАМАС Израильдің жаңа талаптарына қарсы екенін білдірді.

Қарастырылып жатқан ұсыныс ХАМАС 7 қазанда Израильге басып кіру кезінде барымтаға алған барлық адамдарды босататын үш кезеңді процесті қамтиды. Оның орнына Израиль Газадан әскерлерін шығарып, палестиналық тұтқындарды босатады.

Алайда Израиль премьер-министрі Биньямин Нетаньяху ХАМАС-ты бітімге келу әрекеттеріне саботаж жасады деп айыптады.

"Әзірге Хамас толықтай қыңырлық танытты. Тіпті Доха келіссөздеріне өз өкілін де жібермеді. Сондықтан қысымды Израиль үкіметіне емес, Хамасқа бағыттау керек", - деді ол.

Блинкен Тель-Авивке жеткенде, Израиль билігі тілшілерге солтүстіктегі Хайфа портындағы кез келген шабуылға дайындықтарын көрсетті.

Соғыс басталғаннан бері ливандық шииттердің содырлық тобы Хезболла Израильге күн сайын ұшқышсыз ұшақтар мен зымырандарды ұшырды, олар әуе шабуылдары мен артиллериялық оқпен жауап берді.

Зорлық-зомбылықтың күшеюі шекараның екі жағындағы ондаған мың адамды үйлерін тастап кетуге мәжбүр етті.

Сонымен бірге, жексенбі күні кешке Тель-Авивте болған жарылыс салдарынан кем дегенде бір адам қаза тауып, тағы бір адам жараланды, деп хабарлады Израиль полициясы. «Бұл бомбаның жарылысы екені расталды», - деді полиция өкілі.

Газа денсаулық сақтау шенеуніктерінің айтуынша, оқиға салдарынан жексенбіге қараған түні және күндіз 29 адам қаза тапқан.