«Камызяки» КВН командасының Қазақстандағы концерттері өтпейтін болды

Қазақстандағы жағымсыз резонансқа байланысты «Камызяки» КВН командасының концерттері тоқтатылды. 

«Камызяки командасының әртістерінің сенсациялық әрекеттері туралы қоғамдық жағымсыз пікірлерді ескере отырып, ұйымдастырушылар @vi_project_kz_ және @livent.kz командасы Камызяки командасының Қазақстандағы жеке концерттерінің бүкіл турын тоқтату туралы шешім қабылдады. Билеттерді қайтару мәселесі бойынша сатып алған билет операторларына хабарласуларыңызды сұраймыз», — деп хабарлады VI Project продюсерлік орталығы бейсенбі күні.

Айта кетейік, бұған дейін 5 қазанда Алматыда және 7 қазанда Астанада өтетін «Камызяки» концерттерін тоқтату туралы петицияға қол жинау басталған болатын. Петиция авторлары КВН командасы Ресейдің Украинаға басып кіруін қолдады, ал «Камызяк» командасының капитаны Азамат Мұсағалиев қазақстандық әзілкеш Нұрлан Сабуровпен бірге ресейлік ТНТ арнасында қазақ тілін келемеждеді делінген болатын.