Жазылу
Қарағандыда кеншілерді қорқытып, ақша бопсалағандар ұсталды
Қарағанды облысында “Қармет” кеншілерінен ақша бопсалаған қылмыстық топ ұсталды, деп хабарлайды Zhasalash.kz.
Іспен облыстық полиция департаментінің ұйымдасқан қылмысқа қарсы күрес басқармасы прокуратураның үйлестіруімен айналысқан.
"Жедел-іздестіру шараларын жүргізу барысында топтың осындай 15 дерекке қатысы бар екені анықталды. Сонымен қатар қылмыстық топтың қатысушылары қаруларды қолданып, криминалдық жанжалдарға қатысқан және аталған облыстың Абай ауданына қарасты теміржол станциясында тасымалданатын жүктерді ұрлаған", - делінген хабарламада.
Күдіктілерді ұстау барысында 15-ке жуық тінту іс-шаралары жүргізіліп, соның нәтижесінде тіркелмеген атыс және суық қарулар, сондай-ақ, оқ-дәрілер мен діни әдебиеттер тәркіленген. Жалпы 10 адам ұсталған, олардың ішінде топтың лидері мен ең белсенді төрт мүшесі қамауға алынды.
Қазіргі уақытта қылмыстық топ мүшелерінің басқа да осындай қылмыстарға қатысы бар-жоғы анықталуда. Қылмыстық іс Қарағанды облысы полиция департаменті тергеу басқармасымен тергелуде.
