Қарағандыдағы шахтада қаза тапқандар саны 21 адамға жетті

"АрселорМиттал Теміртау" баспасөз қызметінің мәліметінше, шахтада 23 кенші қалған.

"252 кеншінің 208-і жер бетіне шығарылды, оның 18-і медициналық көмекке жүгінді. Шахтада 23 кенші қалды. 21 кеншінің мәйіті табылды. Іздеу-құтқару жұмыстары жалғасып жатыр. Штаб жұмыс істейді", - делінген хабарламада.

"Костенко" атындағы шахтада болған оқиғаға байланысты Төтенше жағдайлар министрлігі мен Қарағанды ​​облысының Төтенше жағдайлар департаменті ақпараттық-психологиялық қолдау көрсету үшін сенім телефондары жұмыс істейді: 8 (7172) 70-41-08, 8 (7212) 51- 72-23, 8 (7212) 49-72-70.

Бұған дейін «АрселорМиттал Теміртау» АҚ атқарушы директоры Виктор Ғафиулов апат кезінде шахтада 252 адам болғанын хабарлаған болатын.