Жазылу
Кәрім Мәсімовтің сарайындағы қымбат заттар жеке-жеке сатылады
Ұлттық қауіпсіздік комитетінің бұрынғы басшысы және экс-премьер-министр Карим Мәсімовтен тәркіленген Астанадағы зәулім сарай (шамамен 2000 шаршы метр) әлеуметтік мақсатта пайдаланылады.
Бұл туралы Қайтарылған активтерді басқару компаниясының (ҚУВА) басшысы Қуанышбек Мұқаш хабарлады.
Оның айтуынша, сарайды акиматқа әлі ресми түрде бермеген. Астана қаласы әкімдігі бұл нысанды әлеуметтік мекемеге айналдыру мүмкіндігін қарастырып жатыр. Бірақ әзірге нақты шешім қабылданған жоқ.
Ал үйдің ішінен табылған бағалы мүлік — антикварлық монеталар, қылыштар мен басқа да заттар — жеке сатылымға шығарылады. ҚУВА басшысының айтуынша, бұл бұйымдар жеке актив ретінде бағаланып қойған.
Оларды аукционға шығару немесе басқа активпен біріктіріп, пакет түрінде сату жоспарланып отыр.
Мұндай мүлік мемлекет меншігіне Бас прокуратура арқылы рәсімделген. Бірақ үй күшпен алынғаны немесе Кәрім Мәсімовтің оны ерікті түрде тапсырғаны туралы нақты ақпарат жоқ.
Сондай-ақ, Астана қаласының әкімдігі аталған нысанды әлеуметтік қажеттіліктер үшін қолдану туралы ресми өтініш жіберген. Осыған байланысты, бұл жылжымайтын мүлік электронды сауда жоспарына енгізілмей, саудадан алынып тасталған.
Айта кетейік, Мәсімовтің Астана қаласының Нұра ауданындағы Қараөткел ықшамауданында орналасқан сарайы бұған дейін бірнеше рет саудаға шығарылған. Ол екі мәрте 1,8 миллиард теңгеге сатылмақ болды.
