Жазылу
Қасым-Жомарт Тоқаев жұмыс сапарымен Өзбекстанға барды
Жұмыс сапарының бағдарламасында екіжақты келіссөздер, сондай-ақ Бұхараның тарихи ескерткіштерін аралау, өнеркәсіп кәсіпорындарымен танысу және басқа да іс-шаралар қарастырылған.
Өзбекстан Республикасының Президенті Шавкат Мирзиёевтің шақыруымен Қазақстан Республикасының Президенті Қасым-Жомарт Тоқаев жұмыс сапарымен Өзбекстанға келді.
Мәртебелі қонақты Бұхара халықаралық әуежайында Шавкат Мирзиёев қарсы алды.
Әуежайда ұлттық ән-күй мен биден тұратын салтанатты қарсы алу рәсімі өтті. Екі елдің мемлекеттік тулары көтеріліп, құрмет қарауылы сап түзеді. Әскери оркестрдің орындауында мемлекеттік гимндер шырқалды.
Бүгін көшбасшылар екіжақты келіссөздер жүргізеді. Сондай-ақ Бұхараның тарихи нысандарын зиярат ету, өнеркәсіп кәсіпорындарының қызметімен танысу және басқа да іс-шаралар жоспарланған.
