Жазылу
Қайтарылған 4 миллиард теңгеден астам активтің қайда жұмсалатыны белгілі болды
Қазақстанда елге қайтарылған активтер есебінен әлеуметтік маңызды инфрақұрылымды салу жалғасуда. Қызылорда облысында су құбырларының құрылысын аяқтауға 4 миллиардтан астам қаржы бөлінді.
«3 мыңнан астам тұрғыны бар Тоқабай және Абай ауылдарын орталықтандырылған сумен қамтамасыз ету үшін Арал-Сарыбұлақ топтық су құбырының Арал-Тоқабай-Абай магистральдық желісін тарту жұмыстары жүргізілуде. Бұл жобаны жүзеге асыру 2021 жылы басталды. Оны аяқтау үшін қосымша 3,7 миллиард теңге қажет. Қазірдің өзінде жобаны аяқтау туралы шешім қабылданды 25», - деп хабарланды.
400-ге жуық адам тұратын Ақбасты ауылында Арал-Сарыбұлақ топтық су құбырының Қосман-Ақбасты магистральдық желісіне қосылатын тармақтың құрылысы аяқталу сатысында. Жобаның құны шамамен 2,4 млрд теңгені құрайды, оның 1,8 млрд теңгесі игерілді. Қалған 524 миллионы Арнайы мемлекеттік қордан бөлінген. Нысан биыл іске қосылады деп жоспарлануда.
