Жазылу
09:33, 13 Қараша 2023
Қаза тапқан палестиналықтардың саны 11 мыңнан асты
БҰҰ-ның гуманитарлық істерді үйлестіру басқармасы 7 қазаннан бері Газа секторында Израиль шабуылдарынан қаза тапқандардың жалпы саны 11 078-ге жеткенін мәлімдеді, деп хабарлайды Zhasalash.kz ТАСС-қа сілтеме жасап.
«11 қарашада елдің солтүстігіндегі ауруханаларда қызметтер мен байланыс тоқтағаннан кейін, Газаның денсаулық сақтау министрлігі қаза тапқандар санын жаңартқан жоқ. 10 қарашада Газада қаза тапқан палестиналықтардың саны 11 078 болды, оның ішінде 4 506 бала және 3 027 әйел бар», - делінген департаменттің сайтында жарияланған мәлімдемеде.
Палестина денсаулық сақтау министрлігінің мәліметінше, 27 490 палестиналық жарақат алса, 2700-дей адам, оның ішінде 1500-дей бала із-түзсіз жоғалған.
