Жазылу
Қазақфильм басшысы таңнан кешке дейін автокөлік жарнамалайды
Шәкен Айманов атындағы «Қазақфильм» акционерлік қоғамының президенті Азамат Сатыбалды таңнан кешке дейін автокөлік жарнамалайды. Актер Қуандық Дүйсенбаев әріптесін осылай сынға алды.
«Мен бүгін бір адамға қатты таңқалып отырмын. Ол Қазақфильм киностудиясының басшысына. Азамат Сатыбалдыұлы, сізде кішкене қызметтік этика бар ма? Сіз білдей бір киностудияның президентісіз. Таңнан кешке дейін автокөлікті жарнамалайсыз. Ұят емес пе?» деді актер Қуандық Дүйсебаев фейсбук парақшасында.
Театр актеры Азамат Сатыбалды 2023 жылдың шілде айында «Қазақфильм» АҚ-ның басшылығына тағайындалған болатын. Оған дейін Т. Жүргенов атындағы өнер академиясының ректоры, Ғ. Мүсірепов атындағы Қазақ мемлекеттік академиялық балалар мен жасөспірімдер театрының директоры қызметінде болды.
Азамат Сатыбалды 2023 жылдың 11-ші қыркүйек күні ASPAN MOTORS компаниясының амбассадоры болғанын жариялаған. Содан бері 700 мың оқырманы бар инстаграм парақшасында аталған компания сататын автокөліктерді жарнамалап келеді.
