Жазылу
Қазақстан ЕАЭО елдері арасында жұмыссыздық бойынша бірінші орынға шықты
Қазақстан Еуразиялық экономикалық одақ елдері ішінде жұмыссыздық деңгейі бойынша бірінші орынға шықты. Бұл туралы Еуразиялық экономикалық комиссияның (ЕЭК) 2025 жылғы ақпан айына арналған ресми статистикасына сілтеме жасап хабарланды.
ЕЭК деректеріне сәйкес, ЕАЭО елдерінде ресми тіркелген жұмыссыздар саны 704,9 мың адамды құрайды. Соның ішінде 333,1 мыңы — Қазақстанға тиесілі. Бұл — Одақтағы барлық жұмыссыздың шамамен жартысы.
Қалған елдер бойынша көрсеткіштер төмендегідей:
-
Ресей — 283 мың адам,
-
Қырғызстан — 48,4 мың адам,
-
Армения — 37,1 мың адам,
-
Беларусь — 3,3 мың адам.
Сондай-ақ Қазақстан — соңғы бір жыл ішінде жұмыссыздық деңгейі өскен ЕАЭО-дағы жалғыз ел. 2024 жылдың басында Қазақстанда жұмыссыздар саны 306,1 мың болған. Бір жыл ішінде бұл көрсеткіш 0,3%-ға өскен. Ал басқа мемлекеттерде, соның ішінде бұған дейін жұмыссыздық бойынша алдыңғы қатарда болған Ресейде (406,3 мың адам) бұл көрсеткіш төмендеген.
Жалпы ЕАЭО бойынша ресми жұмыссыздық деңгейі бір жылда 14,8%-ға төмендеген.
