Қазақстан экономика тұрақтылығын сақтау үшін тағы да қарыз алады

Бүгін мәжіліске тиісті заң жобасы түскен.

"Келісім Астанада 2024 жылдың 11 қазанында жасалды. Халықаралық Қайта Құру және Даму Банкінен Қазақстан Республикасына 11 жыл өтеу мерзімімен 84,9 млрд иен сомасында несие берілді. Несие қаражаты жоспарлы кезеңге арналған республикалық бюджет тапшылығының бекітілген мөлшері шегінде ел экономикасының тұрақтылығын сақтау үшін талынды", - деді Мәжіліс депутаты Татьяна Савельева.

Айта кетейік, 13 қарашада Татьяна Савельева Қазақстанға Азия даму банкінен 52,3 млрд иен (167,4 млрд теңге – шамамен) сомасында несие 15 жыл өтеу мерзімімен берілгенін хабарлаған еді.

"Власть" сайтының жазуынша, Мәжіліс  отырысында Азия даму банкінен 52,3 миллиард иен және Азия инфрақұрылымдық инвестициялар банкінен 52,7 миллиард иен көлемінде несие беруді қарастыратын екі құжатты қабылдаған. Бұл ақша ел экономикасының тұрақтылығын сақтауға жұмсалады.