Қазақстан Президентін Парижде салтанатпен қарсы алды

Қасым-Жомарт Тоқаевтың Франция Республикасына мемлекеттік сапары салтанатты қарсы алу рәсімінен басталды.

Мемлекет басшысын президент Эммануэль Макрон әскери оркестрдің орындауындағы ән-күймен қарсы алды. Қазақстан мен Францияның мемлекеттік әнұрандары шырқалды.

«Мемлекет басшылары Республикалық ұлан, аэроғарыш, құрлық және теңіз күштерінің әскери қызметшілерінен құралған құрметті қарауыл сапын айналып өтті. Ресми делегациялар мүшелері мен құрметті қонақтарды өзара таныстыру болды», - делінген хабарламада .

Еске салайық, кеше Президент Қасым-Жомарт Тоқаев мемлекеттік сапармен Францияға барды. Париж әуежайында Қазақстан Президентін Францияның Сыртқы істер министрі Жан-Ноэль Барро қарсы алды.