Жазылу
Қазақстанда биыл 9 мың шақырымнан астам жол жөнделеді
Биыл Қазақстанда жол жөндеу жұмыстарының көлемі шамамен 8 900 шақырымды құрайды. Бұл туралы үкімет отырысында ұлттық компания «ҚазАвтоЖол» басқарма төрағасы Дархан Иманашев хабарлады.
Өткен жылы жол құрылысы маусымында шамамен 8 800 шақырым жол қамтылған. Ал аяқталған-жетпегені туралы нақты мәлімет айтылмады.
Биылғы жылы жоспарланған жұмыстардың құрылымы мынадай:
-
Құрылыс және реконструкция жобалары — 3 400 шақырым;
-
Капиталдық жөндеу — 324 шақырым;
-
Орташа жөндеу — 5 200 шақырым.
Жол құрылысы маусымы барысында шамамен 12 мың бірлік арнайы техника, 25 мыңнан астам жол жұмысшылары, сондай-ақ 193 асфальтобетон және бетон зауыты жұмылдырылмақ.
«Қазіргі таңда мердігер ұйымдар ретінде Актөбе – Ұлғайсын жолдары, Қызылорда, Сарыағаш қалаларының айналма жолдары бойынша отандық компаниялар анықталды. Осы айдан бастап құрылыс-монтаж жұмыстарына кірісеміз», - деп қосты Иманашев.
