Қазақстанда орташа зейнетақы 65 теңгеге өсті

Қазақстанда орташа зейнетақы 65 теңгеге өсті, деп хабарлайды Zhasalash.kz.

2023 жылғы 1 қазандағы жағдай бойынша зейнетақының орташа жалпы мөлшері 120 988 теңгені құрады. 

"2023 жылғы 1 қазандағы жағдай бойынша орташа жиынтық зейнетақы 120 988 теңгені құрады, оның ішінде ынтымақты зейнетақы мөлшері – 83 086 теңге, базалық зейнетақы – 37 902 теңге", - деп мәлімдеді Еңбек және халықты әлеуметтік қорғау министрлігі.

1 қазандағы жағдай бойынша елімізде 2 миллион 312 мың зейнеткер тұрса, жыл басынан бері қазақстандықтарға 2,4 триллион теңгеден астам зейнетақы төленген.