Қазақстандағы жаңа Конституция жобасы бойынша референдум өтті деп танылды

Орталық сайлау комиссиясының мәліметінше, сағат 14:00-дегі жағдай бойынша дауыс беруге 6 471 378 адам қатысқан. Жалпы қатысу деңгейі 51,93 % болды. Ал референдумға қатысу құқығы бар азаматтардың жалпы саны 12 461 796 адамды құрайды.

Осылайша, қажетті қатысу шегі еңсерілді — дауыс беруге сайлаушылардың жартысынан көбі қатысқан.

Ең жоғары қатысу көрсеткіші Қызылорда облысында — 64,63 % тіркелді.

Сондай-ақ жоғары белсенділік мына өңірлерде байқалды:

Ақтөбе облысы — 61,37 %

Абай облысы — 61,04 %

Ақмола облысы — 60,05 %

Шығыс Қазақстан облысы — 59,60 %

Жетісу облысы — 59,82 %

Шымкент қаласы — 58,24 %

Түркістан облысы — 58,03 %

Қарағанды облысы — 57,32 %

Ал 56 пайыздан жоғары қатысу келесі өңірлерде тіркелді:

Атырау облысы — 56,54 %

Қостанай облысы — 56,51 %

Алматы облысы — 56,13 %

Басқа өңірлердегі көрсеткіштер:

Маңғыстау облысы — 53,14 %

Павлодар облысы — 53,31 %

Солтүстік Қазақстан облысы — 52,37 %

Ұлытау облысы — 52,06 %

Жамбыл облысы — 51,13 %

Батыс Қазақстан облысы — 49,97 %

Ең төмен қатысу Астана қаласында — 40,68 %, ал Алматы қаласында — 21,68 % болды.

Еске салайық, республикалық референдум 15 наурыз күні өтіп жатыр. Қазақстан азаматтарына бір ғана сұрақ ұсынылған:

«2026 жылғы 12 ақпанда бұқаралық ақпарат құралдарында жарияланған Қазақстан Республикасының жаңа Конституциясының жобасын қабылдайсыз ба?»

Дауыс беру учаскелері жергілікті уақыт бойынша сағат 20:00-ге дейін жұмыс істейді.