Қазақстанның сыртқы қарызы 167 миллиард долларға жуықтады

Қазақстанның сыртқы қарызы 2024 жылдың басымен салыстырғанда 1 шілдеге қарай $3 млрд-қа өсіп, $166,7 млрд-қа жетті, делінген Ұлттық банк есебінде.

Құжатқа сәйкес, сыртқы қарыздың құрылымында 87,5%-ы бір жылдан асатын ұзақ мерзімді сыртқы қарызға тиесілі. Қарыздың 73,9%-ын резидент еместерден алынған несиелер мен қарыздар, ал 8%-ын резидент еместердің қолындағы қарыздық бағалы қағаздар құрайды.

Естеріңізге сала кетейік, Қазақстанның сыртқы қарызы 2023 жылдың III тоқсанының соңында $161,9 млрд болған еді.