Кеңгір су қоймасы ауыл шаруашылығын дамыту мақсатында мемлекет меншігіне қайтарылды

 2024 жылы су қоймасын мемлекет меншігіне қайтару туралы шешім қабылданды, бұл оны пайдалану мен қалпына келтірудің жаңа перспективаларын ашады.

Жезқазған қаласында орналасқан «Кеңгір» су қоймасы 319 млн текше метр су қорын құрайды. Жақында аталған қойма «Қазсушар» мемлкеттің кәсіпорнының балансына көшеді.

Кеңгір су қоймасы ауылшаруашылық жерлерін суару және елді мекендерді сумен қамтамасыз ету үшін қажетті су ресурстарын жинақтау және бөлу мақсатында салынған. Су қоймасы ауылшаруашылық алқаптарын суаруда маңызды рөл атқарады, бұл егін өнімділігін арттыруға және азық-түлік қауіпсіздігін қамтамасыз етуге көмектеседі. Кеңгір су қоймасы жергілікті экожүйе үшін де маңызды, өсімдіктер мен жануарлардың әртүрлі түрлерінің тіршілік ету ортасын қамтамасыз етеді.

Бұл су қоймасының қазіргі жағдайы сын көтермейді. Барлық құралдары тозған, апатты жағдайда тұр. Бұл мәселелер бірнеше жылдан бері көтеріліп келеді. Алайда енді ғана мемлекет меншігіне су қоймасын өткізу мүмкін болды.

«Кеңгір су қоймасы аймақтағы судың негізгі көзі. Жергілікті тұрғындар судың сапасына, оның тиімсіз пайдаланылуына және экологиялық мәселелерге алаңдаушылық білдіріп отыр. Нысандағы гидротехникалық құрылыстар апатты жағдайда. Су қоймасын мемлекет меншігіне қайтарғаннан кейін біз қордаланған мәселелерді шешу үшін ең алдымен көп факторлы зерттеу жүргіземіз», - деді Су ресурстары және ирригация министрі Нұржан Нұржігітов.

Мемлекет ресурстарды тиімдірек пайдалану және судың ысырап болуына жол бермеу үшін су қоймасын басқаруды өз қолына алуды жоспарлап отыр. Су қоймасын мемлекет меншігіне қайтару оны қалпына келтіру және жаңғырту бағдарламаларын іске асыруға мүмкіндік береді, бұл сумен қамтамасыз ету мен экожүйенің жағдайын жақсартуға әкеледі. Су қоймасын мемлекет меншігіне қайтару туралы шешім де су ресурстарына тәуелді жергілікті тұрғындардың шаруашылық жүргізу құқығын қорғауға бағытталған.

Кеңгір су қоймасын мемлекетке қайтару не үшін маңызды?

Мемлекет су қоймаларының инфрақұрылымын жаңартуға инвестиция салуды жоспарлап отыр, бұл сумен жабдықтау сапасын жақсартуға және сақтау көлемін арттыруға мүмкіндік береді. Су ресурстарын бақылау мен басқарудың заманауи технологияларын енгізу суды неғұрлым ұтымды бөлуді қамтамасыз етеді. Қоршаған ортаны қалпына келтіру және су қоймасы аймағында биоәртүрлілікті сақтау бойынша бастамалар әзірленетін болады.

Кеңгір су қоймасының мемлекет меншігіне қайтарылуы – су ресурстарын тиімдірек басқаруға және өңірдің тұрақты дамуына жасалған қадам. Бұл шешім азық-түлік қауіпсіздігін қамтамасыз етіп, жергілікті халықтың әл-ауқатын жақсартып қана қоймай, биоәртүрлілікті сақтауда маңызды рөл атқаратын экожүйені қалпына келтіруге де ықпал етеді. Барлық мүдделі тараптардың осы маңызды су ресурсын басқару және пайдаланумен байланысты процестерге белсенді қатысуы маңызды.