КХДР сарбаздары Курск облысында соғысып жатыр

Солтүстік Корея сарбаздары Курск облысының Плехово ауылын басып алды. Бұл туралы бейсенбі, 12 желтоқсанда Ресей Федерациясының бірнеше «әскери тілшілері» хабарлады.

Владимир Романов ауылды «тек Солтүстік Кореяның арнайы операциялық күштері басып алғанын» айтты. Оның айтуынша, Украина қарулы күштері 300-ден астам сарбазынан айырылған.

6 желтоқсанда Курск бағытындағы Плеховоны корей жауынгерлері басып алды. Олар мина алаңын 2 шақырым жүріп өтіп, найзағайдай жылдамдықпен кірді, - дейді Юрий Котенок. Ол «операция шамамен 2,5 сағатқа созылғанын» және солтүстік кореялықтардың «өлгендер мен жараларды өздерімен бірге алып кеткенін» атап өтті.

Ақпаратты тексеру мүмкін емес

 «Операция Z: Военкоры Русской весный» Telegram арнасы Ресей әскерлері басып алған Плеховодан түсірілген видеоны жариялады. Бірақ қатардағы жауынгерлердің ұлтын анықтау мүмкін емес.

Бұл хабарларды Ресей ресми түрде растаған жоқ. Киев тарапынан да бұл оқиғаларға қатысты ешқандай түсініктеме жоқ.

Сейсенбі, 10 желтоқсанда украин DeepState жобасының сарапшылары Ресей Қарулы Күштерінің Плехово маңында ілгерілегені туралы хабарлады. Ауылдың басып алынғанын немістің Bild газетінің OSINT сарапшысы Джулиан Рёпке де растайды. Ол да, DeepState де Солтүстік Кореяның соғысқа қатысқаны туралы хабарлаған жоқ.