Киев Минскіні Украина шекараcынан әскерін шығаруға шақырды

Беларусь Республикасының қарулы күштері Украинамен шекарада жеке құрамның бірнеше сарбазы мен қару-жарақтарын шоғырландырған.

«Егер Беларусь Украинаның мемлекеттік шекарасын бұзса, біздің мемлекет БҰҰ Жарғысында кепілдік берілген өзін-өзі қорғау құқығын жүзеге асыру үшін барлық қажетті шараларды қабылдайтынын ескертеміз.

Сәйкесінше, Беларусь аумағындағы әскерлердің, әскери нысандардың және жабдықтау жолдарының барлық шоғырлануы Украина Қарулы Күштері үшін заңды нысанаға айналады», делінген Украина Сыртқы істер министрлігі мәлімдемесінде.

Киев бұл аймақта Вагнер (жеке әскери компаниясының) кейбір бұрынғы жауынгерлері де бар екенін атап өтті.

Украина мен Белоруссияның ортақ шекарасы 1084 шақырымды құрайды. Киевтің айтуынша, шекаралық аймақтағы әскери жаттығулар әлемдегі ең ауыр ядролық апат орын алған Чернобыль атом электр станциясының жақын орналасуына байланысты «жаһандық қауіпсіздікке» қауіп төндіреді.

2022 жылдың ақпанында Беларусь Ресей әскерлеріне өз территориясын Украинаға басып кіру үшін трамплин ретінде пайдалануға рұқсат берді.