Киевтегі Үкімет үйі дрон шабуылынан кейін өртенді

Өрт Үкімет үйінің жоғарғы қабатында шықты
Свириденко Telegram-арнасында өрт салдарын көрсететін суреттер жариялады. Белгілі болғандай, дрон сынықтары ғимараттың жоғарғы қабатына түскен. Кейін Жоғарғы Рада депутаты Ярослав Железняк нақтылағандай, сол қабатта премьер-министр кабинеті мен үкімет отырыстары өтетін зал орналасқан.

Өртті сөндіру үшін тікұшақ шақырылған.

Қаза тапқандар мен жараланғандар
Киев мэрі Виталий Кличконың айтуынша, Ресейдің әуе шабуылы салдарынан қалада үш адам қаза тапты: Святошин ауданында жас әйел мен бір жасқа толмаған бала көз жұмса, Дарница ауданында жасы үлкен әйел баспанада қайтыс болған.

Сонымен қатар, жалпы 17 адам жараланған, олардың жетеуі ауруханаға жеткізілді. Святошин ауданында дрон қалдықтары балабақша маңына құлаған.

Украинаның басқа өңірлеріне жасалған шабуылдар
Ресей шабуылынан басқа аймақтар да зардап шекті. Кременчуг қаласының мэрі Виталий Малецкий Днепр үстіндегі көпір зақымданғанын хабарлады.