Қырғызстанда мемлекеттік туды өзгерту ұсынылды

Бастамашылар – Жогорку Кенеш депутаттары Нұрланбек Шәкиев пен Улан Примов, заң жобасы Қырғыз Республикасының туын жақсартуға бағытталған деп есептейді.

Депутаттар Қырғыз туының ортасындағы күн сәулесі басқа нәрселермен қатар күнбағысқа ұқсайтынын алға тартады. Олар күн сәулелерін тегіс және түзу етіп бейнелеуді ұсынды.

Қырғызстанның туындағы күн сәулесінің жаңа нобайын жасау үшін бастапқы кезеңде осы тудың авторлары тартылып, олар математикалық есептеулер, сызбалар және соған байланысты жұмыстарды орындады.

Қырғызстанның туы елдің Жоғарғы Кеңесінің 1992 жылы 3 наурыздағы шешімімен бекітілген. Оған сәйкес, тудың түсі қызыл.

2004 жылы 17 шілдеде «Қырғыз Республикасының мемлекеттік рәміздері туралы» Заң қабылданды. Оның 3-бабында мемлекеттік тудың сипаттамасы, түсі және схемалық бейнесі берілген.