Қостанайда 1 қарашадан бастап электр энергиясының жаңа тарифтері енгізіледі

Электр энергиясын тасымалдау тарифтерінің көтерілуіне байланысты, Қазақстан Республикасы Ұлттық экономика министрлігі Табиғи монополияларды реттеу комитетінің Қостанай облысы бойынша департаментінің дәлелді қорытындысы негізінде Облыста электр энергиясының жаңа тарифтері 2023 жылдың 1 қарашасынан бастап күшіне енеді.

• Жеке тұлғалар үшін тауарларды өндірумен (өткізумен), жұмыстарды орындаумен және қызметтерді көрсетумен байланысты емес электр энергиясын өз шаруашылық қажеттіліктері үшін пайдаланатын тұтынушылар үшін – 1 кВт/сағ үшін ҚҚС-ты есепке алғанда 23,84 теңге.
• Мемлекеттік бюджеттен қаржыландырылатын заңды тұлғалар үшін ҚҚС-сыз 56,44 теңге немесе 1 кВт/сағ үшін ҚҚС-пен 63,21 теңге.
• Электр энергиясын тұрмыстық қажеттіліктерден басқа мақсаттарда пайдаланатын заңды тұлғалар және басқа тұтынушылар үшін: ҚҚС-сыз 32,97 теңге немесе 1 кВт/сағ үшін ҚҚС-пен 36,93 теңге.
• Әлеуметтік маңызы бар азық-түлік өнімдерін өндіретін кәсіпорындар үшін (СЗПТ) ҚҚС-сыз 28,19 теңге немесе 1 кВт/сағ үшін ҚҚС-пен 31,57 теңге.