Костенко шахтасында қаза тапқандар саны 38-ге жетті

"Костенко шахтасында қаза тапқан 38 адамның мәйіті табылды, 8 кеншіні іздеу жұмыстары жалғасуда. Іздестіру жұмыстары қираған шахталық техниканың, сондай-ақ кейбір жерлерде үйіндінің болуына байланысты қиындауда", - деп хабарланған ТЖМ хабарламасында.

Ақпараттық және психологиялық қолдау көрсету үшін Қарағандыда (ТЖД 8-7212-51-72-23, АрселорМиттал Теміртау 8-7212-49-72-70) және Астанада (8-7172-70-41-08) сенім телефондары жұмыс істейді.

Еске сала кетейік, Қарағанды ​​облысында Костенко атындағы шахтада жарылыс болды.

Мемлекет басшысы Қасым-Жомарт Тоқаев Қарағанды ​​облысындағы кеншілердің қазасына байланысты көңіл айтып, «АрселорМиттал Теміртау» компаниясымен ынтымақтастықты тоқтатуды тапсырды.