Жазылу
Кой-Таштағы Атамбаев үйіне белгісіз біреулер шабуыл жасады
Қырғызстанның бұрынғы президенті Алмазбек Атамбаевтың отбасылық резиденциясында шабуыл жасалды.
Алия Шакиева мәлімдегендей, милиция формасындағы және жай киімдегі бірнеше ондаған адам үйлеріне келген, бірақ ешқандай құжат көрсетпеген.
Отбасының айтуынша, Алияның көмекшілерінің бірі соққыға жығылып, Кадыр Атамбаевтың серіктесі Ермек Ерматов ұсталған. Шабуылдаушылар күштеп есікті ашқаннан кейін оқиға орнына картографтар келген. Кадыр Атамбаев мұны «тәртіпсіздік» деп атап, резиденцияға қатысты сот істері әлі жалғасып жатқанын еске салды.
Kaktus Media жазғандай, бұл — бір күн ішінде болған екінші жағдай. Таңертең де шамамен 30 адам құжатсыз келген. Солардың ішінде Президент істерін басқарушы Қаныбек Тұманбаевты да байқағандар болған.
Бұған дейін Кой-Таштағы резиденциядан отбасының шығарылуына байланысты Раиса Атамбаева Қырғызстан президентіне және халқына үндеу жасаған еді.
