Жазылу
Қуандық Бишімбаевтың қанша жылға сотталуы мүмкін екені белгілі болды
Полицейлер Астанадағы мейрамханалардың бірінде Салтанат Нүкенованың өліміне қатысты қылмыстық іс қозғады, - деп хабарлайды Jas Alash қалалық полиция департаментінің баспасөз қызметіне сілтеме жасап.
«Астанадағы мейрамханалардың бірінде әйелдің өліміне қатысты оқиғаны елордалық полиция департаменті ҚР Қылмыстық кодексінің 99-бабы 1-бөлігі бойынша тергеп жатыр», - делінген хабарламада.
Қылмыстық кодекстің «Адам өлтіру» 99-бабының 1-тармағында:
«Адам өлтіру, яғни адамды қасақана өлтіру кезінде сегіз жылдан он бес жылға дейінгі мерзіммен жазаланады», - деп жазылған.
Айта кетейік, 9 қарашада экс-министр Қуандық Бишімбаевтың ұсталғаны белгілі болды. Ол елордадағы мейрамханалардың бірінде әйелін ұрған. Әйелі алған жарақатынан жедел жәрдем бригадасы жеткенше көз жұмған. Кейін марқұмның 31 жастағы Салтанат Нүкенова екені белгілі болды.
