Куба АҚШ-пен келісім аясында 553 тұтқынды босатады

Бірнеше сағат бұрын АҚШ президенті Джо Байден Конгресске Кубаны терроризмді демеуші мемлекеттер тізімінен алып тастағаны туралы хабарлады.

Байден қол қойған мәлімдемеде Куба үкіметінің соңғы жарты жылда «халықаралық терроризмге ешқандай қолдау көрсетпегені» және Вашингтонға «болашақта халықаралық лаңкестікке қолдау көрсетпейтініне» кепілдік бергені атап өтілген.

Кубаның коммунистік үкіметі Байденнің шешімін «дұрыс бағыттағы қадам» ретінде құптады, бірақ бұл ел әлі де 1962 жылдан бері АҚШ-тың санкцияларының астында тұрғанына өкініш білдірді, деп хабарлайды Франс Пресс. Агенттік атап өткендей, Куба азық-түлік, дәрі-дәрмек, электр энергиясы мен отын тапшылығынан туындаған соңғы онжылдықтардағы ең ауыр экономикалық дағдарыс үшін Америка Құрама Штаттарын айыптайды.

Президент Мигель Диас-Канель АҚШ-тың санкцияларын «геноцид» деп атады және әкімшілігі 2021 жылы Кубаны демеушілер тізіміне тағы да қосқан АҚШ-тың жаңадан сайланған президенті Дональд Трамптың инаугурациясынан кейін оның елі «бұдан да қиын жағдайларға» дайын екенін айтты.