Лондонда Украинаға қолдау көрсету мәселесіне арналған кездесу өтеді

Бұл туралы Ұлыбритания Сыртқы істер министрлігі хабарлады. Басты тақырып – Украинаға жан-жақты қолдау көрсету. Кездесудің негізгі мақсаты – Ресейдің басқыншылығына қарсы күресіп жатқан Украинаға әскери, экономикалық және саяси қолдауды жалғастыру және кеңейту.

Кездесуде Украинаға көрсетілетін қолдау, сондай-ақ Еуропаның қауіпсіздігін нығайту мәселелері талқыланады. Лэммидің айтуынша, "бүгінгі таңда біз тап болып отырған қауіп-қатер тек Украинаға ғана емес, бүкіл Еуропа болашағына төнген экзистенциалды қауіп".

Министр Лэмми Ресейдің Украинадағы соғысын қолдайтындарға қарсы жаңа санкциялар енгізілетінін жарияламақ. Сонымен қатар, ол Ұлыбританияның еуропалық қауіпсіздік саласындағы рөлін күшейту қажеттігін атап өтпек.

Ұлыбритания бұл жиын аясында Ресейді және оны қолдайтын тұлғаларды нысанаға алатын жаңа санкциялар пакетін жарияламақ. Бұл шаралар Украинаға қарсы соғыс жүргізіп жатқан Ресейдің әскери әлеуетін шектеуге бағытталады. Бұл келіссөздер 19 мамырда өтетін премьер-министр Кир Стармер мен ЕО басшыларының саммиті алдында ұйымдастырылып отыр. Саммитте Ұлыбритания мен Еуроодақ арасында жаңа қорғаныс келісіміне қол қою және сауда байланыстарын нығайту шаралары талқыланбақ. Бұл құжат Ұлыбритания мен Еуроодақ арасындағы әскери және қауіпсіздік салаларындағы ынтымақтастықты жаңа деңгейге көтеруді көздейді.

Айта кетейік, бұған дейін, 23 сәуірде, Украина қорғаныс министрі Рустем Умеров пен сыртқы саясат кеңесшісі Андрей Сибига Лондонда британдық әріптестері Джон Хили және Дэвид Лэммимен кездескен болатын.

Бұл келіссөздер Украина мен Ұлыбритания арасындағы әскери және стратегиялық серіктестікті одан әрі тереңдетуге бағытталған. Сондай-ақ, 10 мамырда премьер-министр Кир Стармер Киевке ресми сапармен барып, "қалаулы елдер коалициясының" жиынына қатысты. Бұл сапар Ресейдің 9 мамырдағы әскери парадынан кейін бір күн өткен соң өтті, оған Қытай төрағасы Си Цзиньпин, Сербия президенті Александр Вучич және Словакия премьері Роберт Фицо секілді ел көшбасшылары қатысқан еді.

Ұлыбритания мен Еуропалық Одақтың сыртқы саясат басшыларының Лондонда өтетін бұл кездесуі Украинаға халықаралық қолдаудың әлсіремейтінін, керісінше, жаңа деңгейге көтерілетінін көрсете отырып, еуропалық қауіпсіздік пен тұрақтылыққа деген ортақ жауапкершілікті айғақтайды.