Жазылу
ІІМ Маңғыстау полициясының басшысы төңірегіндегі дауды тексеріп, ештеңе таппады
Ішкі істер министрлігі әлеуметтік желілерде тараған айыптаулардан кейін Маңғыстау облысы полициясының басшысы Сағындық Аяғанов пен оның бірнеше орынбасарына қатысты тексеру жүргізген
Тексеру нені көрсетті
Анонимді хатта жоғары лауазымды полиция қызметкерлеріне қатысты 15 тармақтан тұратын шағым айтылған.
«Қазақстан Республикасы Ішкі істер министрлігінің комиссиясы жүргізген тексеру қорытындысы бойынша тағылған айыптардың бірде-бірі расталған жоқ», - деп мәлімдеді ІІМ.
Жағдайға байланысты түсініктеме бергендер қатарында облыстық мәслихат депутаттары Бердіғали Берекетов пен Киікбай Ешман, сондай-ақ облыстық Қазақстан халқы Ассамблеясы Ақсақалдар кеңесінің төрағасы Оңайбек Әбділов және жергілікті қажылар қауымдастығының басшысы Әбдірахман Қуанышбек болды.
ПД басшылығына қандай айып тағылды
Дау тудырған үндеу 19 қараша күні WhatsApp мессенджері мен әлеуметтік желілерде тараған. Бірнеше бөлімше қызметкерлерінің атынан жазылған бұл хатта ПД басшылығы бюджет қаражатын жымқырады, жалған тендерлер ұйымдастырады, бағынышты қызметкерлерді орындалмаған жұмыстардың актілеріне қол қоюға мәжбүрлейді және жабдықтарды нарықтық бағадан 5-6 есе қымбатқа сатып алады деген айыптар келтірілген.
Аталған хабарламаға полиция департаменті бірден жауап беріп, хатты жалған деп атады және жалған ақпарат таратқаны үшін жауапкершілік қарастырылатынын ескертті. Соған қарамастан, Ішкі істер министрлігі бұл жайт бойынша тексеру жүргізу туралы шешім қабылдаған.
