Макрон жұбайынан шапалақ жеді ме? Әлеуметтік желілерде “ерекше” кадр таралды

Жағдай Вьетнамға жасалған ресми сапар кезінде болған. Макрон мен әйелі ұшақтан түспек болған сәтте камера күтпеген кадрды түсіріп үлгерген. Брижит қолымен Эммануэль Макронның бетін қағып жібереді. 

Бұл — шын мәнінде шапалақ па, әлде жай ғана ауызын жабуға тырысқан әрекет пе, нақты айту қиын. Бірақ видео қоғамның қызу назарына ілікті. 

БАҚ бұл сәтті “отбасылық кикілжің” деп сипаттаса, кейбір басылымдар протокол қызметінің сәтсіздігіне назар аударуда. Себебі, ұшақ есігі алдын ала, уақытынан бұрын ашылып кеткен.

Елисей сарайы бұл жағдайға қатысты ешқандай пікір білдірмеген.