Маңғыстаудағы кісі өлімі: күдіктілер туралы ақпаратқа 2 млн теңге сыйақы жарияланды

Бұл туралы заңгер Ажар Әбділ мәлімдеді, деп хабарлайды Lada.kz.

Марқұм 24 қараша күні жоғалып кеткен, ал 8 желтоқсанда оның мәйіті  табылған. Полиция өкілдері өлімше зорлық-зомбылық себеп болғанын ресми түрде растады.

Тергеу дерегіне сәйкес, күдіктілер ел аумағынан шығып үлгеруі мүмкін. Алдын ала болжам бойынша, олар Ресей және Әзербайжан арқылы Түркия бағытына бет алған. Қазіргі таңда күдіктілер халықаралық іздеуге жарияланған.

Заңгер Ажар Әбділ ақпарат берушілерге толық анонимдікке кепілдік берілетінін атап өтті. Алайда ол қылмыскерлерді жасыру, оларға көмек көрсету немесе жалған ақпарат тарату қылмыстық жауапкершілікке әкелетінін ескертті.

Өз кезегінде Маңғыстау облысы полиция департаменті шетелдік әріптестермен бірлескен іздестіру жұмыстарының жүріп жатқанын хабарлады. Құқық қорғау органдарының мәліметінше, күдіктілерге қаржылай қолдау көрсету, тұрғын үй беру немесе көлікпен қамтамасыз ету – заң бойынша қатаң жазаланады.