Мас күйінде көлік жүргізген имам 15 тәулікке қамалды

Ulysmedia басылымының ақпаратынша, имам түнгі клуб маңында ұсталған. 

«Тәжімбет Бақытбек Нұрғабылұлы Қазақстан Республикасы Қылмыстық кодексінің 608-бабының 1-бөлігімен кінәлі деп танылып, оған 15 тәулікке қамауға алу және 7 жылға жүргізуші куәлігінен айыру жазасы тағайындалды», - делінген сот қаулысында.

Оқиға 23 шілде күні болған. «Тойота Хайландер» көлігін айдап келе жатқан имам клуб маңында мас күйінде ұсталды. Алайда ол сот барысында ол өз кінәсін мойындамады.

Ал, Бақытбек Тәжімбет туралы ақпарат ҚМДБ ресми сайтынан өшірілген.

Айта кетейік, Бақытбек Нұрғабылұлы Алматы медресесінде білім алған. Кейін Стамбулда мүфтиятта оқыған. Ол 2015 жылдан бері Қостанай облысында имамы болды.