Мас жүргізуші төрт қызды қағып кетті

Бұл туралы облыстық полиция департаменті мәлім етті,

Жүргізуші уақытша ұстау изоляторына қамалғаны хабарланды. 

Еске салайық, 2 наурызда Алматы облысында мас жүргізуші жол шетінде тұрған екі 8 жастағы, екі 9 жастағы төрт қызды қағып кетті.

Жол-көлік оқиғасы салдарынан жарақат алған үш бала әртүрлі дене жарақатымен Шелек аудандық ауруханасына жатқызылды, төртінші қыз дәрігерлердің қарауынан кейін үйіне қайтарылды.

"Қазіргі уақытта жүргізуші уақытша ұстау изоляторында. Жол-көлік оқиғасына ҚР ҚК-нің 345-1-бабы 2-бөлігі «Абайсызда адамның денсаулығына ауыр зиян келтiруге алып келген іс-әрекет» бойынша соталды тергеу жүргізіледі. Қажетті сараптамалар тағайындалды", — деп хабарлады «Жас Алашқа» Алматы облысы ПД өкілдері.