Маск «Азаттық радиосы» мен «Америка дауысын» жабуға шақырды

Үкіметтің тиімділігі департаментін (DOGE) басқаратын миллиардер Илон Маск «Азат Еуропа/Азаттық» радиосы (Азаттық) және «Америка дауысы» медиа корпорацияларын жабуға шақырды. Маск сәйкес хабарламаны жексенбі, 9 ақпанда әлеуметтік желіде жариялады.

AP агенттігі атап өткендей, 20 қаңтарда президенттің инаугурациясынан кейінгі үш апта ішінде Ақ үй басшысы Дональд Трамп құрған DOGE құрылымын басқаратын Маск АҚШ федералдық агенттіктерінің жұмысына кірісті. Ол журналистердің сұрақтарына жауап бермейді және АҚШ Конгресіндегі бірде-бір тыңдауға қатысқан жоқ. Оны DOGE лауазымына тікелей Трамп тағайындады және АҚШ заң шығарушылары ұзақ мақұлдау процесінен өтпеді.