Мерц: Путин мен Зеленский кездесуі өтпейді

 Бұл туралы Германия канцлері Фридрих Мерц 28 тамыз күні Франция президенті Эммануэль Макронмен кездесу барысында айтты.

«Біз бұл тақырыпқа қайта оралуымыз керек, өйткені президент Зеленский мен президент Путиннің өа кезде кездесуі нақты емес», – деді Мерц дипломатиялық күш-жігерді жалғастыру қажеттігіне тоқтала отырып. Оның айтуынша, бұл мәселе Трамп пен Путиннің өткен аптада талқылаған келіссөздерінен өзгеше.

АҚШ президенті Дональд Трамп өткен аптада Путинмен телефон арқылы сөйлескен соң, Украина мен Ресей басшыларының кездесуі дайындалып жатыр деп мәлімдеген еді. Ал Кремль тек делегация деңгейін көтеруге дайын екенін жеткізген.

Мерц бұған дейін де Мәскеудің «уақытты созу стратегиясын» қолданып отырғанын айтқан. Оның пікірінше, Путин кездесуді алдын ала шарттармен байланыстыруды дұрыс санайды, бірақ бұл шарттар Киев үшін де, Берлин үшін де мүлде қолайсыз.

Германия Сыртқы істер министрі Йоханн Вадефуль де Мәскеудің келіссөздерге дайын екеніне күмән келтірді.

«Алдағы уақытта Ресей мен Украина арасындағы келіссөздер мүлде өтпейді деп ойлаймын», – деді ол Focus апталығына берген сұхбатында.