Мысырдағы ірі жол апаты: 32 адам қаза тауып, 63 адам жарақат алды

Египеттің Бехейра губернаторлығында бірнеше көліктің қатысуымен ірі апат болды. Елдің Денсаулық сақтау министрлігінің мәліметінше, апаттан 32 адам қаза тауып, кемінде 63 адам жарақат алған.

bbc апаттың ел астанасы Каирден солтүстікке қарай 131 шақырым жерде, Каир-Александрия жолында болғанын хабарлады. Жалпы 3 жолаушылар автобусы мен он жеке көлік соғысып, кейбірі жолаушыларымен бірге өртеніп кеткен.

Апат болған жерге кем дегенде 20 жедел жәрдем көлігі жөнелтілді, деп хабарлады елдің денсаулық сақтау министрлігі. Зардап шеккендер жақын маңдағы Вади ан-Натрун ауруханасына және Әл-Нубарияға жеткізілді.

Басылымның жазуынша, Мысырда ауыр салдары бар жол-көлік оқиғалары жиі болып тұрады. Көбінесе бұл жолдардың нашарлығы мен жүргізушілердің ережеге бағынбауымен байланысты.