NASA ғарыш кемесін алтынға бай астероидқа жібереді

Psyche ғарыш кемесі Кеннеди ғарыш орталығының жанындағы Astrotech зауытында құрастырылған. Ол 5 қазанға жоспарланған рейсі алдында соңғы сынақтан өтіп жатыр.

Құрылғы SpaceX Falcon Heavy зымыраны арқылы ұшырылады және диаметрі шамамен 279 шақырымды құрайтын астероид Psyche-ге бағытталады. Бұл нысан астероидтар белдеуінде ұшады. Алты жылда межелі жерге жету үшін шамамен 4 миллиард шақырым жолды басып өту қажет.

Asteroid Psyche Күн жүйесінің ең үлкен "әшекейлерінің" бірі деп аталады. Оның экономикалық және ғылыми тұрғыдан қаншалықты құнды екенін ғалымдар жақында түсінді. Қашықтан жүргізілген бақылаулар нәтижесінде олар астероид Күн жүйесінің қалыптасуы кезінде істен шыққан планеталық ядроның қалдығы болуы мүмкін деген қорытындыға келді. Ол толығымен дерлік металдардан тұрады.

«Егер біз нысанға жете алатын алатын болсақ,  әлемдік экономикадан үлкен, шамамен 10 квинтриллион долларға қымбат тастарды өндіретін едік», — дейді ғалымдар.

Дегенмен, Psyche астероидінің шынайы құндылығы — біздің планетамыздың өзегі қандай болатынын білу. Ғалымдар Жердегі сейсмикалық деректерді пайдалана отырып, планета ядросының пішінін, құрылымын және қасиеттерін анықтауға тырысып жатыр. Бұл тек рентген сәулелерінің көмегімен қирандылардың астына көмілген пілді қалпына келтіру әрекеті сияқты. Psyche планеталық ядроның қандай болатынын және Жердің қалай пайда болғанын жақсырақ түсінуге мүмкіндік береді.

Сонымен қатар, миссия болашақ экипаждың ұшуларында қолданылуы мүмкін технологияларды сынау алаңы болады. Ұшудың өзі Falcon Heavy зымыранының алғашқы планетааралық миссиясы, ол болашақ Марс миссияларының негізін қалайды.