Навальныйдың қызы Камала Харристің сайлауалды штабында жұмыс істейді

Дарья Навальная 2024 жылдың тамыз айынан бастап дала ұйымдастырушысы (Field Organizer) қызметін атқарды. ВВС орыс қызметі оның волонтерлермен жұмыс істейтінін, сонымен қатар қоғаммен байланыс, сайлаушыларды жұмылдыру және штаб жұмысын ұйымдастырумен айналысатынын жазады. Ол Пенсильваниядағы кеңседе жұмыс істейді.

Дарья Навальная 2024 жылы Стэнфорд университетін бітірді, онда психология және саясаттану бойынша білім алды. Өзінің профилінде ол деректерді талдау, зерттеу, қоғаммен байланыс және көпшілік алдында сөйлеу тәжірибесі бар екенін айтады.

Айта кетейік, Алексей Навальныйдың 2024 жылдың 16 ақпанында қайтыс болғаны туралы Ресейдің Ямало-Ненецк автономиялық округі бойынша Федералдық қылмыстық атқару қызметі хабарлады. Ведомствоның хабарлауынша, саясаткер «серуеннен кейін өзін нашар сезінді, бірден есін жоғалтты» және реанимация шаралары нәтиже бермеді. Кейін Навальныйдың серіктестері оның қайтыс болғанын растады. «Алексей Навальный өлтірілді», - деп жазды Кира Ярмыш. Тергеушілер Навальныйдың денесін анасы Людмила Навальнаяға 24 ақпанда ғана берді. 1 наурызда саясаткер Мәскеудегі Борисов зиратында жерленді.