Жазылу
Назарбаевтың қызы мен күйеу баласы еліміздегі ең бай адамдар көшін бастады
Әлемдік Forbes рейтингіндегі ең бай қазақстандықтардың тізімін Тимур мен Динара Құлыбаевтар бастады. Олар әлемдегі ең бай адамдар рейтингінде 623-орында.
2024 жылы Назарбаевтың қызы мен күйеу баласының байлығы 4,6 миллиард долларға бағаланған. Екеуінің дәулеті бір жыл ішінде 35 млн долларға артқан.
Олардың байлығы негізінен қаржы бизнесі арқылы артып отыр. Сонымен қатар ерлі-зайыптылар еншісінде бірнеше мұнай кен орындары бар. Құлыбаевтар еліміздегі ең ірі банк Қазақстан Халық банкін басқаратын ALMEX компаниясына иелік етеді.
Тимур Құлыбаев былтыр 2005 жылдан бері басқарған Kazenergy Қазақстан мұнай-газ және энергетика кешені ұйымдары қауымдастығының төрағасы қызметінен кеткен болатын.
Айта кетейік, аталған тізімде Құлыбаевтардан басқа, Владимир Ким әлемдік рейтингтің 634-орныда, байлығы 4,6 миллиард доллар, одан кейін Вячеслав Ким 4,4 миллиард доллармен 674- орында. Тимур Турлов Forbes рейтингінде 867-орында. 32 миллион долларға азайған оның байлығы қазіргі күнде 3,5 млрд-қа бағаланған. Тізімде Болат Өтемұратов та бар. Оның байлығы 2,7 миллиард долларға бағаланып, рейтинге 1167-орында тұр.
