Нидерланд армиясының бас қолбасшысы ел азаматтарын Ресеймен соғысуға дайындалуға шақырды

«Біз Ресеймен болуы мүмкін қарулы қақтығысқа шындап дайындалуымыз керек. Бүкіл қоғам бұған дайын болуы керек», - деп жазды оның сөзін De Telegraaf.

Вийненнің пікірінше, Ресейге жақын еуропалық елдердің тұрғындары болуы мүмкін соғысқа психикалық тұрғыдан жақсы дайындалған, ал Нидерланд олардан үлгі алуы керек.

«Нидерландтар 1500 шақырым қашықтықта болғандықтан біздің қауіпсіздігіміз қамтамасыз етілген деп ойламауы керек», - деді бас қолбасшы.

Генерал төтенше жағдайдан аман қалу үшін азаматтар қазірдің өзінде азық-түлік пен ауыз суды сақтауы керегін айтты. Сонымен қатар, Нидерланд өз армиясын айтарлықтай күшейтуі қажет, өйткені «Ресей бір ғана тілді – қуатты армияны түсінеді».

Бұған дейін немістің Bild басылымы еуропалық арнайы қызметтердің біріне сілтеме жасай отырып, Ресей 2024 немесе 2025 жылы Еуропаға шабуыл жасауы мүмкін екенін жазған.