Нұр-Сұлтанда Жақсылық Үшкемпіров ескерткіші ашылды

Ескерткіш спортшы құрметіне аталған жекпе-жек сарайы аумағында Қабанбай батыр даңғылы мен Керей, Жәнібек хандар көшелерінің қиылысында орналасқан.

Фото: Tengrinews.kz/Тұрар Қазанғапов

Нұр-Сұлтанда белгілі балуан, Олимпиада чемпионы Жақсылық Үшкемпіров ескерткіші ашылды, — деп хабарлайды Tengrinews.kz тілшісі.

Ескерткіш спортшы құрметіне аталған жекпе-жек сарайы аумағында Қабанбай батыр даңғылы мен Керей, Жәнібек хандар көшелерінің қиылысында орналасқан.

Сурет: Tengrinews.kz/Тұрар Қазанғапов

Ашылу салтанатына мәдениет және спорт министрі Ақтоты Райымқұлова қатысты. Сонымен қатар, шара қонақтарының арасынан боксшы, Олимпиада чемпионы Данияр Елеусінов те болды.

Жекпе-жек сарайы 2019 жылдың 6 шілдесінде ашылған. Бес мың көрерменге арналған спорт ғимаратында бокс, күрес, дзюдо, ауыр атлетика және басқа да олимпиадалық, сондай-ақ Олимпиадаға кірмейтін спорт түрлері бойынша халықаралық жарыстар өткізуге болады. 2020 жылдың желтоқсанында оған Жақсылық Үшкемпіровтің есімі берілген