Нью-Йоркте тікұшақ өзенге құлап, алты адам қаза тапты

 Оқиға Манхэттен орталығындағы тікұшақ алаңынан ұшқаннан кейін көп ұзамай орын алды.​

Тікұшақта Испаниядан келген турист отбасы Siemens Spain компаниясының директоры Аугустин Эскобар, оның жұбайы және 4,5-11 тжастағы үш қызы  болған. Олармен бірге ұшқыш та болған. Нью-Йорк мэрі Эрик Адамстың айтуынша, борттағы барлық жолаушылар қаза тапқан.​

Оқиға куәгерлері тікұшақтың өзенге құлаған сәтін бейнежазбаға түсіріп, әлеуметтік желілерде бөлісті. FlightRadar деректеріне сәйкес, тікұшақ апатқа дейін шамамен 15 минут әуеде болған. Ол Манхэттен орталығындағы тікұшақ алаңынан ұшып шыққан.​

Куәгерлердің айтуынша, вертолет әуеде бөлшектене бастаған. Әлеуметтік желілерде тараған видеоларда әуе кемесінің құлап бара жатқан сәті көрінеді . Төтенше жағдайлар қызметі оқиға орнына дереу жетіп, төрт адамды оқиға орнында, ал қалған екеуін ауруханада қайтыс болғанын растады.

Апаттың себептерін анықтау үшін АҚШ-тың Федералдық авиация басқармасы (FAA) мен Ұлттық көлік қауіпсіздігі кеңесі (NTSB) тергеу жұмыстарын бастады . Нью-Йорк мэрі Эрик Адамс пен Нью-Йорк штатының губернаторы Кэти Хочул қаза тапқандардың отбасыларына көңіл айтты.

Бұл оқиға Нью-Йорк қаласында 2018 жылдан бері болған ең ірі тікұшақ апаты болып отыр.