Жазылу
Олигархтарға тиесілі жәдігерлер Қазақстанның Ұлттық музейіне берілуі мүмкін
Қазақстан Ұлттық музейі елге қайтарылған кейбір құндылықтарға қызығушылық танытып отыр. Бұл туралы қайтарылған активтерді басқару жөніндегі компания хабарлады.
Атап айтқанда, қайтарылған активтерді басқару бойынша серіктестіктің балансында тұрған 10 жәдігер өнер мекемесін қызықтырды. Артефактілерде тарихи-мәдени құндылық болуы мүмкін, сондықтан өнімнің нарықтық құнын анықтау мүмкін еместігі атап өтілді.
Сондай-ақ компания бұған дейін Ұлттық музей қызметкерлері жәдігерлерді зерттеп, зертханалық талдау жасағанын хабарлады. Талдау жүргізілгеннен кейін мекеме өнімдерді мұражай қорына өткізу туралы өтінішпен басқарушы компанияға хабарласты.
«Басқарушы компания оларды одан әрі Ұлттық музейге беру мақсатында Қазақстан Республикасы Қаржы министрлігінің Мемлекеттік мүлік және жекешелендіру комитетіне беру мәселесін қарастыруда», - делінген компания таратқан хабарламада.
