Оңтүстік-Шығыс Азиядағы су тасқынынан 320-дан астам адам қаза тапты

Су тасқынынан ең қатты зардап шеккен аймақ — Суматра аралы. 174 адам қаза болған,  аудандар су астында қалды.

Құтқарушылардың айтуынша, кей өңірлерге апарптын жолды су шайып кеткендіктен, жету мүмкін болмай отыр. Тұрғындар үйлердің шатырларына шығып, көмек күтуде.

Таиланд: 145 адам қаза болды, 3,5 млн адам зардап шекті

Таиландта нөсер мен су тасқыны салдарынан 145 адам қаза тапты.

Елдің оңтүстігіндегі Хатъяе қаласында су біртіндеп қайтып жатқанымен, көптеген аудандар әлі де су астында қалған, жарықсыз, инфрақұрылымсыз қалып отыр.

Жалпы шығын — 3,5 миллионнан астам адамға әсер етті.

Вьетнамда 98 адам қаза тапты

Вьетнамда толассыз жауын мен соның салдарынан туындаған су тасқыны мен көшкіндерден 98 адам қаза тапты.

Ең қиын жағдай елдің орталық провинцияларында байқалады.

Шри-Ланка кемінде 65 адам көз жұмды

Шри-Ланкада табиғи апаттан кемінде 65 адам қаза тапты, 20-дан астам адам жоғалған саналып отыр.

Синоптиктер алдағы сағаттарда ауа райының одан әрі нашарлауын ескертті.

Малайзияда сыртқы істер министрлігі зардап шеккен аймақтардан азаматтарды эвакуациялауда.

Елде шамамен 30 мың тұрғын уақытша орталықтарға орналастырылған, тропикалық «Сеньяр» дауылы 2 адамның өмірін жалмады.

Бұл су тасқыны Оңтүстік-Шығыс Азияда соңғы жылдары болған ең ауқымды табиғи апаттардың бірі аталып отыр. Мамандардың айтуынша, зардаптарды жоюға көп ай, тіпті жылдар қажет болуы мүмкін.