Жазылу
14:22, 17 Қараша 2022
Оралдағы қонақүйлердің бірінен ер адам өлі табылды
Оралдағы қонақүйден ер адам өлі табылды, — деп хабарлайды Polisia.kz.
16 қарашада сағат таңғы 8:10 шамасында Абай ауданының полициясына қаладағы қонақүйлердің бірінде ер адам өлі табылғаны туралы хабарлама түсті.
Оқиға орнына жедел-тергеу тобы барып, 35 жастағы азаматтың мәйітін анықтады.
«Бөлмеде жәбірленушіден бөлек әйел болды және ол осы ауыр қылмысқа қатысы бар екенін мойындады. Оқиға бойынша тексеру амалдары жүргізіліп, күдікті мойындау айғақтарын берді. Дерек бойынша ҚР ҚК-нің 99-бабы 1-бөлігі (»Адам өлтіру") бойынша соталды тергеу амалдары басталды", — делінген хабарламада.
