Оразбек Асылқұлов Азия чемпионатының жартылай финалына жекпе-жексіз өтті

Бұл туралы Sports.kz хабарлады.

60 келіге дейінгі салмақ дәрежесінде ширек финалда Асылқұлов жапониялық Шунсукэ Китамотомен кездесуі тиіс болған. Алайда Қазақстан бокс федерациясының мәліметінше, жапон спортшысы жарақатына байланысты турнирден бас тартқан.

Осылайша, Асылқұлов автоматты түрде жартылай финалға өтіп, кем дегенде қола жүлдені қамтамасыз етті.

Бұл Азия чемпионаты ересектер арасында алғаш рет World Boxing ұйымының аясында ұйымдастырылып отыр. Жарысқа 20-дан астам елдің спортшылары қатысуда.

Турнир 10 сәуірге дейін жалғасады.

Бұған дейін Қазақстанның 20 жастағы әлем чемпионы Азия біріншілігін сәтті бастағаны хабарланған еді.